Курсҳои омӯзишӣ дар мактабҳо

Душанбе, 28.01.2016 (АМИТ «Ховар»). — Соли сеюм аст, ки дар кишвар қабули довталабон ба муассисаҳои таҳсилоти олии касбӣ ва миёнаи махсус аз тариқи Маркази миллии тестӣ ҷараён мегирад.
Бо ин мақсад Вазорати маориф ва илми кишвар дар ҳамкорӣ бо Маркази миллии тестӣ 100 нафар мутахассисони соҳаи маорифро бо ҷараёни имтиҳонот ва баъзе тағйиру иловаҳои имсола ошно намуда, онҳоро аз курсҳои бозомӯзӣ гузаронид. Ин нафарон ҳамчун тренер муддати се рӯз-аз 27 то 29-уми январи соли равон тибқи фармоиши Вазири маориф ва илми Ҷумҳурии Тоҷикистон дар ҳамаи шаҳру навоҳии вилоят даври дуюми курсҳои омӯзишӣ барои муовинони директорони мактабҳо ва омӯзгоронро баргузор менамоянд.