Мусобиқаи даставӣ оид ба футболи хурд

Душанбе, 13.01.2016. (АМИТ «Ховар»). — Бо ташаббуси Вазорати корҳои дохилӣ, бо мақсади такмили тарбияи ҷисмонӣ ва ташвиқу тарғиби рушди варзиш дар ҷумҳурӣ аз 25 январ то 28 феврали соли 2016 дар Маҷмааи варзишии Шӯрои ҷумҳуриявии «Динамо»-и Вазорати корҳои дохилӣ мусобиқаи даставӣ оид ба «Футболи хурд» байни мақомоти ҳифзи ҳуқуқ, сохторҳои қудратӣ ва дигар корхонаю идораҳои давлатӣ барои дарёфти «Ҷоми вазири корҳои дохилии Ҷумҳурии Тоҷикистон» таҳти шиори «Варзиш барои оилаи солим ва зидди нашъамандӣ» баргузор мегардад.
Дархостҳо барои иштирок дар мусобиқа аз тарафи ШҶ «Динамо»-и ВКД то 22 январи соли 2016 қабул мешаванд.
Ғолибони мусобиқа бо Ҷом, медал, диплом, Сипоснома, Ифтихорнома ва туҳфаҳои хотиравӣ сарфароз гардонида мешаванд.
Телефонҳо барои тамос: 939-22-44-44, 907-904-771, 227-65-43, факс: 221-32-81.