Нашри китоби дарсии «Таърихи дин» барои муассисаҳои таҳсилоти умумӣ

Душанбе, 21.01.2016 (АМИТ «Ховар»).- Нашри китоби «Таърихи дин» аз китобҳои аввалин дар самти омўзиши диншиносӣ барои муассисаҳои таҳсилоти умумӣ мебошад.
Дар китоб аввал динҳои ибтидоӣ — табиӣ ва қадимӣ, баъдан динҳои муосир баррасӣ шудаанд. Инчунин дар бораи дину мазҳабҳои маъруфтарини ғайрисуннатӣ маълумот оварда шудааст.
Муаллифи китоби «Таърихи дин» олимони шинохтаи тоҷик дар соҳаи диншиносӣ доктори илмҳои фалсафа, профессор Муҳаммадалӣ Музаффарӣ, номзади илмҳои фалсафа Шерзод Абдуллоев ва Ғаффор Мирзоев мебошанд.
Китоби мазкурро моҳи ноябри соли 2015 нашриёти «Шарқи Озод» бо адади 180 000 нусха чоп намудааст.