Нашрияи «Паёми Спитамен» 85-сола шуд

Хуҷанд, 26.01.2016.(АМИТ “Ховар”).-Нашрияи мақомоти давлатии ноҳияи Спитамен “Паёми Суғд” 85 сола шуд. Чанде қабл дар Театри давлатии мусиқию мазҳакаи ба номи Шукур Бурҳонови ноҳия бахшида ба ин сана чорабинии тантанавӣ доир гашт.
Тавре ки ба АМИТ “Ховар” масъулин аз мақомоти маҳаллӣ иттилоъ доданд, дар чорабинӣ роҳбарияти ноҳия, намояндагони мақомоти вилоятӣ ва бахши суғдии Иттифоқи журналистони Тоҷикистон, собиқадорони соҳа, аҳли зиё ва фаъолони ноҳия иштирок доштанд. Аз ҷумла, раиси ноҳия Ориф Хоҷазода ҳайати эҷодӣ ва кулли қаламкашони рӯзномаро бо ин санаи фархунда шодбод гуфта, аз номи мақомоти ноҳиявӣ ба нашрияи мазкур як мошини сабукрав ва ба фаъолону собиқадорони рӯзнома туҳфаҳои хотиравӣ супорид.
Бояд гуфт, ки нахустин шумораи ҳафтаномаи ноҳиявии Спитамен бо номи «Қизил Нишон» соли 1930 рӯи чоп омада, баъдан аз соли 1935 он бо номи «Сталин байроғи», соли 1960 — «Коммунизм сари», 1991 — «Халқ сӯзи» ва январи соли 2012 бо номи «Паёми Спитамен» нашр шуда, оғоз аз соли 1978 то ин ҷониб ҳафтанома бо ду забон — тоҷикӣ ва узбекӣ чоп мешавад.