Оғози мусобиқаи варзишӣ оид ба гӯштини миллӣ

Январь 28, 2016 18:08

Душанбе, 28.01.2016. (АМИТ «Ховар»). — Имрӯз дар Маҷмааи варзишии Шӯрои ҷумҳуриявии «Динамо» мусобиқаи варзишӣ оид ба гӯштини миллӣ миёни кормандони мақомоти ҳифзи ҳуқуқ, сохторҳои қудратӣ, корхонаю идораҳои давлатӣ ва шахсони ҳавасманд барои дарёфти «Ҷоми вазири корҳои дохилии Ҷумҳурии Тоҷикистон» таҳти шиори «Варзиш — солимии ҷомеа» оғоз гардид.
Дар мусобиқа муовини вазири корҳои дохилӣ Абдулло Навҷувонов ба варзишгарон муваффақият таманно намуда, гуфт, ки варзиш қосиди сулҳ буда, дар ҳақиқат мардумро бо ҳам наздик мекунад, барои дӯстию рафоқат замина пайдо намуда, ба ватандӯстию солимии ҷомеа ҳидоят месозад. Давлату Ҳукумати кишвар ба рушди варзиш ва солимии ҷомеа, хусусан насли наврас ва ҷавонон таваҷҷуҳи хосса дошта, дар ин самт тамоми тадбирҳои заруриро меандешанд. Имрӯз варзишгарони зиёди ташкилоту идораҳои гуногуни давлатӣ ва шахсони ҳавасманд бо ҳам омада, қувваи бозуи худро бори дигар месанҷанд. Танҳо омодагию маҳорати хуб метавонад онҳоро ба ғолибият расонад.
Устоди варзиш Маҳмаддовуд Одинаев иброз дошт, ки ҷаҳониён моро бо гӯштини миллиамон мешиносанд. Паҳлавонони тоҷик дар мусобиқаҳои минтақавӣ ва арсаи ҷаҳонӣ иштироки фаъол дошта, бо медалу ифтихорномаҳо соҳиби обрӯи хос гардидаанд.
Ғолиби асосии мусобиқаро Шоҳҷоиза — мошини сабукрав интизор аст. Бояд зикр намуд, ки мусобиқаи мазкур бо ташаббуси вазири корҳои дохилӣ Раҳимзода Рамазон Ҳамро ташкил шуда, то 4-уми феврали соли равон идома хоҳад ёфт.
Доварии мусобиқаи мазкурро доварони сатҳи байналмилалӣ ба уҳда дошта, ба тамошо ва мухлисии маҳорати варзишгарон ҳаводорони зиёде омадаанд.

Январь 28, 2016 18:08

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад