Ҷоми ФФД оғоз меёбад

Душанбе, 30.01.2016 (АМИТ «Ховар»). — Аз имрӯз сар карда, дар майдони дуввуми варзишгоҳи марказии пойтахт мусобиқаи футболбозон барои Ҷоми Федератсияи футболи шаҳри Душанбе оғоз меёбад.
Дар мусобиқаи имсола 21 даста ба ду гурӯҳ ҷудо карда шудаанд. Ба гурӯхи «А» дастаҳои «Рамис-Испечак», Мактаби ҷумҳуриявии маҳорати олии варзиш, «Соро компания», «Султони Кабир», «Танзим», Донишгоҳи миллӣ, «Ховар», «Фароз», «Мирзочӯл» ва «Формула Успеха», ба гурӯҳи «В» тимҳои «Айнӣ», «Ваҳдат», «Ҷовид», «Истиқлол-2», «Очамайлӣ», Донишгоҳи славянӣ, «Рӯдакӣ», дастаи мунтахаби то 14-солаи мамлакат, «Сохтмони кишвар», «Чехов» ва «Ҷӯйбодом» шомил шудаанд. Тибки низомнома дастаҳо дар як давр бо ҳам қувва озмуда, чор дастаи пешсафи гурӯҳҳо ба даври ¼ -ниҳоӣ роҳхат мегиранд.
Даври ниҳоии мусобиқа рӯзи 4 апрел доир хоҳад шуд.