Озмоишгоҳҳои нав оид ба амнияти биологӣ, химиявӣ ва радиатсионӣ

Душанбе, 12.01.2015 (АМИТ «Ховар»). — Соли 2015 дар ноҳияи Данғара пойгоҳи байналмилалии илмӣ-тадқиқотии экологӣ ва дар мавзеи Ҷелондии ноҳияи Шуғнон пойгоҳи баландкӯҳи илмии экологӣ таъсис ёфта, Маркази илмӣ-таҳқиқотии экология ва муҳити зисти Осиёи Марказӣ ва Маркази таълимӣ дар Агентии амнияти ядроӣ ва радиатсионии Академияи илмҳо ба фаъолият шурӯъ карданд. Ба иттилои Академияи илмҳо пойгоҳҳои илмӣ ва марказҳои таҳқиқотӣ дар самти экология бо ташаббус ва дастгирии ҳукумати мамлакат таъсис ёфта, барои ифтитоҳи Озмоишгоҳи амнияти радиатсионӣ, Озмоишгоҳи амнияти химиявӣ ва Озмоишгоҳи амнияти биологӣ дар назди Академияи илмҳо замина гузошта шудааст. Озмоишгоҳҳои мазкур дар нимсолаи аввали соли равон ба фаъолияти пурраи илмӣ машғул мешаванд.