ПСС- чеҳранамои тиҷорати намоишгоҳӣ

Душанбе, 13.01.2016 (АМИТ «Ховар»). -«Тайи солҳои зиёд Палатаи савдо ва саноати ҶТ чеҳранамои тиҷорати намоишгоҳӣ дар Тоҷикистон аст. Намоишгоҳҳо, ки яке аз фишангҳои асосии фаъолгардонии робитаҳои берунаи иқтисодӣ ба шумор мераванд, ба мустаҳкамшавии иқтидори иқтисодӣ, ҷалби сармоягузориҳо ба мамлакат, ҷорӣ кардани истеҳсолоти технологияи баланд, рушди инноватсионӣ, ноил гардидан ба ҳадафҳои стратегии муассисаҳо, таъсиси ҷойҳои нави корӣ, дастгирӣ ва рушди соҳибкорӣ мусоидат мекунанд», -гуфт имрӯз зимни нишасти матбуотӣ Шариф Саид, раиси Палатаи савдо ва саноат.
Ҳамчунин номбурда илова намуд, ки ин гуна чорабиниҳои пурмуҳтаво таваҷҷуҳи намояндагони мақомоти давлатӣ, ҷомеаи тиҷоратӣ ва аҳли ҷомеаро ҷалб менамоянд.