Роғун: хизматрасонии бонкҳо беҳтар мешавад

Роғун, 21.01.2016 (АМИТ «Ховар»).-Дар бонкҳои шаҳри Роғун соли 2015 маҷмўан ба миқдори 58201,5 ҳазор сомонӣ хизматрасониҳои пулӣ ба иҷро расонида шуданд, ки ин нисбат ба ҳамин давраи соли гузашта ба маблағи 7092,7 ҳазор сомонӣ зиёд мебошад.
Соли 2015 тавассути бонкҳои мазкур 50891,1 ҳазор сомонӣ маблағ аз ҳисоби муҳоҷирати меҳнатӣ аз тарафи шаҳрвандони шаҳри Роғун интиқол гардидааст, ки нисбат ба соли 2014, 147821,9 ҳазор сомонӣ кам мебошад.
Дар давраи ҳисоботӣ аз тарафи бонкҳо барои дастгирии соҳаҳои гуногуни иқтисодӣ ба мизоҷон ба маблағи 3713,6 ҳазор сомонӣ қарз дода шудааст, ки ба шуъбаи Бонки давлатии амонатгузории «Амонатбонк» 2650,0 ҳазор сомонӣ, филиали ҶСК «Ориёнбонк» 175,0 ҳазор сомонӣ, филиали ҶСК «Агроинвестбонк» 888,6 ҳазор сомонӣ рост меояд. Ҳамчунин гуфта мешавад, ки нисбат ба ҳамин давраи соли гузашта 1525,1 ҳазор сомонӣ камтар қарз дода шудааст.