Рушди кишоварзӣ дар Хатлон

Кӯлоб, 13.01.2016. (АМИТ «Ховар»). — Дар вилояти Хатлон ҳаҷми истеҳсоли маҳсулоти кишоварзӣ нисбат ба соли 2014 362 миллион сомонӣ зиёд иҷро гардидааст, ки он 100,3%-и нақшаро дар бар мегирад.
Дар ин давра 839,3 ҳазор тонна ғаладонагӣ, 242 ҳазор тонна картошка, 903,8 ҳазор тонна сабзавот, 440,4 ҳазор тонна полезӣ, 148,2 ҳазор тонна меваҷот, 96,7 ҳазор тонна ангур, 116,9 ҳазор тонна гӯшт, 431,9 ҳазор тонна шир, 64,8 миллион дона тухм ва 944,8 тонна асал истеҳсол шуд, ки мутаносибан аз 101 то 112 %-ро ташкил медиҳад. Инчунин дар соли 2015 аз ҳисоби маҳсулоти соҳаи кишоварзӣ ба хориҷи кишвар 81,4 ҳазор тонна маҳсулот содирот шуд, ки нисбат ба соли 2014-ум 35,1 ҳазор тонна зиёд мебошад.