Спитамен: Барои гузаронидани маъракаҳои гуногун беш аз 11 миллион сомонӣ сарф шуд

Душанбе, 14.01.2016. (АМИТ «Ховар»). -Дар давоми соли 2015 дар ноҳияи Спитамен бо сарфи 11 миллиону 118 ҳазор сомонӣ 2031 маъракаи гуногун гузаронида шудааст.
Дар ин бора зимни нишасти матбуотӣ раиси ноҳияи Спитамен Ориф Хоҷазода иттилоъ дод.
Аз миқдори умумии маъракаҳо 936 тӯйи домодию арӯсӣ буда, 521 адади он хатнасур, 323 адад маросими чил ва 242 адад маросими сол будааст.
Дар соли сипаришуда ҳамзамон аз ҷониби кормандони бахши танзими анъана ва ҷашну маросими миллии мақомоти иҷроияи ноҳия 8 ҳолати қонуншиканӣ ошкор шудааст.