«Тоҷикаэронавигатсия» ба буҷети давлат қариб 15 млн. сомонӣ пардохт намуд

Душанбе, 29.01.2015. (АМИТ «Ховар»).-«Даромади умумии КВД «Тоҷикаэронавигатсия» нисбат ба ҳамин давраи соли гузашта 13,15% зиёдтар буда, хароҷоташ ба миқдори 1,1 % бештар гашт». Ин нукта имрӯз, 29 январ зимни нишасти матбуотии КВД «Тоҷикаэронавигатсия» аз ҷониби директори генералии КВД «Тоҷикаэронавигатсия» Иброҳим Ҷобиров ироа гардид.

Бино ба гуфтаи директории корхона, пардохтҳои КВД «Тоҷикаэронавигатсия» ба буҷети давлатии Ҷумҳурии Тоҷикистон дар соли 2015 қариб 15 млн. сомониро ташкил дод, ки нисбат ба ҳамин давраи соли қаблӣ дар маҷмўъ 10,2% зиёдтар аст.
Пардохти қарзи кредитории КВД «Тоҷикаэронавигатсия» тибқи реҷаи тасдиқшуда идома ёфта, то вақти ҳисоботӣ дар маҷмўъ 1 млн. 526 ҳазору 568 сомониро ташкил медиҳад.