«Тоҷикаэронавигатсия» ба киштиҳои ҳавопаймоӣ 6,5% камтар хизмат расонид

Душанбе, 29.01.2015. (АМИТ «Ховар»).- Бино ба маълумоти КВД «Тоҷикаэронавигатсия», ки имрӯз, 29 январ зимни нишасти матбуотӣ ба хабарнигорон пешкаш гардид, дар соли сипаришуда корхона ба 50 ҳазору 242 киштии ҳавопаймоӣ хизмат расонид, ки нисбат ба соли 2014 — 3 ҳазору 517 адад, яъне 6,5%, камтар мебошад
Масъулини корхона сабаби асосиро дар камшавии парвозҳои транзитӣ аз тариқи МН/МНЁ бинобар камкунии теъдоди парвозҳо ба самти Федератсияи Русия аз ҷониби ширкатҳои ватаниву хориҷӣ ва гирдогирд гузаштани ширкатҳои ҳавопаймоии Ўзбекистон маънидод карданд. Сабаби дигар — набудани масирҳои фароқоравии қулай дар Афғонистон барои ширкатҳои ҳавопаймоие, ки тавассути фазои ҳавоӣ Тоҷикистонро убур мекунанд, мебошад.