Дар Ҳисор тамоюли фарзандхонӣ афзудааст

Душанбе, 03.02.2016.(АМИТ «Ховар»).-«Тамоюли фарзандхонӣ дар ноҳияи Ҳисор афзоиш ёфтааст»,- мегӯяд Нисо Холдорбекова, мудири бахши сабти асноди ҳолати шаҳрвандии Вазорати адлияи кишвар дар ноҳияи Ҳисор. Мавсуф зикр кард, ки агар дар соли 2014 теъдоди кӯдакони ятим, ки ба фарзандхонӣ қабул гардидаанд, 26 ададро ташкил дода бошад, ин омор дар соли сипаришудаи 2015 ба 43 адад расид. Асосан шаҳрвандоне, ки бефарзанданд, кӯдакони ятимро ба фарзандхонӣ қабул менамоянд. Алҳол дар ноҳияи Ҳисор беш аз 1000 нафар ятимони бепадар, 449 нафар бемодар ва 89 ятими кулл ба қайд гирифта шудаанд.