Дар содир кардани ҷиноятҳои коррупсионӣ соҳаи бонкии ҷумҳурӣ, ҷамъиятҳои саҳҳомӣ ва соҳибкорони инфиродӣ пешсафанд

Душанбе, 2.02.2015. (АМИТ «Ховар»).- Дар давраи ҳисоботӣ шумораи содиркунии ҷиноятҳои коррупсионӣ аз тарафи мақомоти ҳифзи ҳуқуқ ва дигар вазорату кумитаҳо, аз ҷумла Прокуратура-6 адад, вазоратҳои корҳои дохилӣ-63, мудофиа-20, Кумитаи давлатии амнияти миллӣ-10, Агентии назорати маводи нашъаовар-5, Шӯрои адлия-6, Вазоратҳои адлия-32, нақлиёт-13, кишоварзӣ-30, энергетика ва захираҳои об-6, меҳнат, муҳоҷират ва шуғли аҳолӣ-30, саноат ва технологияҳои нав-18, молия-1, Кумитаи давлатии идораи замин ва геодезӣ-28, кумитаҳои телевизион ва радио-3, ҳифзи муҳити зист-7, ҷавонон, варзиш ва сайёҳӣ-2, ҳолатҳои фавқулодда ва мудофиаи гражданӣ-2, андоз-23, Агентии стандартизатсия, метрология, сертификатсия ва нозироти савдо-2, соҳаи бонкии ҷумҳурӣ-163 адад, ҷамъиятҳои саҳҳомӣ-266 адад, соҳибкорони инфиродӣ — 281 адад ва ба соҳаҳои маориф ва илм-68 адад, тандурустӣ ва ҳифзи иҷтимоии аҳолӣ-76 адад рост меояд.
Ин нуктаро имрӯз зимни нишасти матбуотӣ Аламхон Наимӣ, муовини аввали директории Агентии назорати давлатии молиявӣ ва мубориза бо коррупсияи кишвар таъкид намуд.
Ба иттилои роҳбарияти агентӣ аз ҳисоби умумии ҷиноятҳои ошкоргардида 178 адади онро кормандони мақомоти иҷроияи маҳаллии ҳокимияти давлатӣ ва худидоракунии шаҳрак ва деҳот содир намудаанд.