Додугирифти ғайриқонунӣ бо асъори хориҷӣ дар ҳаҷми махсусан калон
![](https://khovar.tj/wp-content/uploads/2016/02/Dollar.jpg)
Душанбе, 13.02.2016. (АМИТ “Ховар”). — 12 феврали соли равон дар натиҷаи гузаронидани чорабиниҳои фаврӣ-ҷустуҷӯӣ сокини 25-солаи Душанбе бо гумони муомилоти ғайриқонунӣ бо асъори хориҷӣ дастгир шуд. Муайян гардид, ки гумонбаршуда дар нуқтаи хизматрасониаш, воқеъ дар кӯчаи Борбади шаҳри Душанбе ғайриқонунӣ ба соҳибкорӣ машғул будааст. Ӯ бе иҷозатнома нуқтаи интиқоли маблағҳои пулиро ташкил намуда, ба муомилоти ғайриқонунӣ бо асъори хориҷӣ ва ба фаъолияти бонкӣ ба миқдори махсусан калон машғул шуда, аз 12 декабри соли 2015 то 21 январи соли 2016 зиёда аз 800000 доллари амрикоиро аз шаҳрвандон гирифта, ба шаҳри Дубайи АМА интиқол дода, ҳамзамон аз Дубай ба Душанбе 200000 доллари амрикоӣ интиқол додааст.
Нисбат ба далели мазкур парвандаи ҷиноятӣ оғоз гардида, тафтиш давом дорад.