Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
ДУШАНБЕ, 23.02.2026 /АМИТ «Ховар»/. 23 феврал дар Вазорати мудофиаи Ҷумҳурии Тоҷикистон Рӯзи Қувваҳои Мусаллаҳро бо шукуҳу шаҳомати хосса таҷлил намуданд.
Тавре аз ин вазорат ба АМИТ «Ховар» хабар доданд, зимни ҳамоиш Вазири мудофиаи Тоҷикистон Эмомалӣ Собирзода доир ба ғамхорию дастгириҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Ҳукумати мамлакат нисбат ба низомиёни шарафманди меҳан ёдовар шуд.
«Боиси ифтихор аст, ки Қувваҳои Мусаллаҳи Тоҷикистон дар ин муддат бо дастовардҳои беназир дар таҳкими қудрати мудофиавии давлат, омӯзиши таҷрибаҳои пешқадам ва омода будан ба таъмини мудофиавӣ ва ҳаёти осоиштаи мардум саҳми назаррас гузоштаанд. Имрӯз ин сипари боэътимод ва таъминкунандаи сулҳу субот, яъне Қувваҳои Мусаллаҳи Ҷумҳурии Тоҷикистон 33-сола шуд», – изҳор дошт Эмомалӣ Собирзода.
Гуфта шуд, ки Артиши миллӣ ҳамчун такягоҳи сулҳу субот дар ҷомеа мавқеи устувор дошта, дар роҳи таҳкими давлатдории миллӣ ва ҳимояи арзишҳои конститутсионӣ нақши калидӣ мебозад.
Дар ҷараёни ҳамоиш афсарони Вазорати мудофиа ва собиқадорони Қувваҳои Мусаллаҳ доир ба хизматҳои масъулиятноки низомиёни мамлакат ва рушду камоли Артиши миллӣ дар солҳои соҳибистиқлолӣ ибрози андеша намуданд.
Зимни ҳамоиш хизматчиёни ҳарбии ин ниҳоди қудратӣ бо Ифтихорнома, Раҳматнома ва медалу туҳфаҳои хотиравӣ сарфароз гардонида шуданд.
Ҳамзамон ғолибони мусобиқаи танкронӣ ва дигар чорабинию мусобиқаҳои ҳарбӣ–варзишӣ, ки ба муносибати солгарди навбатии Рӯзи таъсиси Қувваҳои Мусаллаҳи мамлакат доир гардида буданд, бо Ҷоми мусобиқа, медал, Сипоснома ва Ифтихорнома қадрдонӣ гардиданд.
АКС: Вазорати мудофиаи Ҷумҳурии Тоҷикистон
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
