“Истиқлол” марҳалаи омодагиро дар Туркия ба поён расонд

Февраль 13, 2016 11:04

Душанбе, 13.02.2016 (АМИТ «Ховар»).-«Истиқлол”-и Душанбе бо баргузор кардани охирин вохӯрии таҷрибавӣ бо клуби футболи “Шахтёр”-и Қазоқистон марҳалаи дуввуми омодагиро дар шаҳри Анталияи Туркия ба анҷом расонд. Вохӯрӣ бо натиҷаи 2 бар 2 ҷамъбаст шуд. Ҳисобро дар дақиқаи 34-ум Луис Фернандо Копете кушод. Аҳтам Назаров баъди се дақиқаи голи қазоқҳо тавассути кумаки Манучеҳр Ҷалилов голи ҷавобии “Истиқлол”-ро ба самар овард. Дар нимаи дуввуми бозӣ “Шахтёр” аз нав баъди зарбаи Руслан Кенетаев ба сафи пеш баромад. Бозингари нави истиқлолиҳо Акмал Холматов зарбаи ҷаримавиро он тавре ба иҷро расонд, ки дарвозабони “Шахтёр” онро баргардонида натавонист ва ҳисоб баробар шуд.
“Истиқлол” дар Туркия чор вохӯрии таҷрибавӣ доир кард, ки дар натиҷа як ғалаба бар “Витлих”-и Олмон( 4:0), як бохт аз “Варда”-Маҷористон(1:3) ва ду мусовӣ бо “Тараз” ва “Шахтёр”-и Қазоқистон (2:2) ҳосил шуд.
Ҳайати “Истиқлол” дар ин вохӯрӣ чунин буд:
Никола Стошич, Давронҷон Эргашев (Сиёвуш Асроров, 46), Ҷаҳонгир Ҷалилов, Петро Ковалчук, Маҳдии Чоҳҷӯӣ, Нуриддин Давронов (к), Парвизҷон Умарбоев (Олександр Каблаш, 46) , Дилшод Восиев (Фариддун Шарипов, 46), Фатҳулло Фатхуллоев (Ҷаҳонгир Алиев,46),Аҳтам Назаров (Акмал Холматов, 46) ва Манучеҳр Ҷалилов (Нозим Бобоҷонов, 68)
“Истиқлол” акнун дар радифи бозиҳои гурӯҳи “Б”-и Ҷоми Конфедератсияи футболи Осиё расман рӯзи 23-уми феврал дар варзишгоҳи марказии пойтахт бо клуби футболи “Алфайсалӣ”-и Урдун, ки ду маротиба ғолиби Ҷоми КФО гардидааст, вориди рақобат мешавад.

Февраль 13, 2016 11:04

Хабарҳои дигари ин бахш

Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад