Месси ба писарбачаи 5-солаи афғон либоси варзишӣ туҳфа кард

Душанбе, 26.02.2016 (АМИТ «Ховар»).-Бино ба иттилои BBC News писарчаи панҷсолаи афғон Муртазо Аҳмадӣ, ки баъди пайдо шудани сураташ бо либоси варзишии полиэтиленӣ бо номи футболбоз Лионел Месси дар шабакаи интернет машҳур гардида буд, либоси варзишии ҳақиқиро бо соядастҳои ситораҳои «Барселона» туҳфа гирифт.
Барои пайдо кардани ин мухлиси наврас рӯзноманигорон ёрӣ доданд. Маълум гардид, ки ӯ дар ноҳияи Ҷаҳори музофоти Ғазна дар Шарқи Афғонистон зиндагӣ мекунад. Бино ба иттилои намояндагони Месси, ба ин кӯдак аз номи ҳамлагари «Барселона» либоси варзишӣ ва тӯб фиристода шудааст. « Ман Мессиро дӯст медорам ва либоси варзишии ман мегӯяд, ки Месси низ маро дӯст медорад», -гуфт Муртазо.
Зикр мешавад, ки Месси инчунин якчанд либоси варзишӣ барои аъзои дигари оилаи Аҳмадӣ равон кардааст. Эҳтимол аст, ки яке аз онҳоро бародари калонии Муртазо- Ҳумоюн, ки аввалин шуда суратҳои ӯро дар шабакаҳои иҷтимоӣ партофта буд, ба даст орад.