А. Раҳмонзода: «Фаъолияти агентиҳои иттилоотӣ бояд барои пешгирии ҷалби шаҳрвандони мо ба ташкилоти террористӣ равона гардад»
Душанбе, 15.03.2016 (АМИТ «Ховар»). -«Фаъолияти агентиҳои иттилоотӣ бояд барои пешгирии ҷалби шаҳрвандони мо ба ташкилоти террористӣ равона гардад»,- иброз намуд Ёрдамчии Президенти ҶумҳурииТоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода зимни ифтитоҳи ҷаласаи XXI Шӯрои роҳбарони агентиҳои иттилоотии давлатии Иттиҳоди Давлатҳои Мустақил, ки имрӯз дар Китобхонаи миллии Тоҷикистон доир гардид.
А. Раҳмонзода ҳамчунин гуфт, ки «ҳодисаҳои охири баамаломада дар ҷаҳон, хусусан дар Шарқи Наздик ва Африқои Шимолӣ нишон доданд, ки терроризм ва экстремизм ба таҳдиди хатарнок барои инсоният табдил ёфтаанд. Мубориза бо ин падида аз мо фазои бовар ва эҳтиром дар мубориза бо ин хатарҳои барои кишварҳои мо муштаракро талаб менамояд».
Дар кори ҷаласа раиси Шӯрои агентиҳои иттилоотии давлатии ИДМ, директори генералии ТАСС Сергей Михайлов, муовини аввали директори генералии ТАСС Михаил Гусман, директори «Агентии иттилоотии «Арменпресс» Арам Ананян, директори генералии Агентии телеграфии Беларус (БелТА) Дмитрий Жук, директори генералии Агентии байналмилалии иттилоотии «Казинформ» Даурен Дияров, директори генералии Агентии миллии иттилоотии Қирғизистон «Кабар» Кубаничбек Таабалдиев, директори Агентии миллии иттилоотии Тоҷикистон «Ховар» Заробиддин Қосимӣ ва сардори шуъбаи кор бо шабакаҳои иҷтимоӣ ва сарчашмаҳои иттилоотии Агентии давлатии телеграфии Озарбойҷон (АЗЕРТАҶ) Элшан Шахбалаев иштирок карданд.
Иштирокдорони ҷаласа фаъолияти агентиҳои иттилоотиро дар соли 2015 натиҷагирӣ карда, нақшаи корӣ барои соли равонро муҳокима караданд. Дар ҷараёни мулоқот, ҳамчунин масъалаҳои ҳамкории хадамоти аккосӣ ва омодагӣ ба ҷашни 25-солагии Иттиҳод, ки моҳи декабр таҷлил мегардад, баррасӣ гардид. Роҳбарони агентиҳои иттилоотии давлатӣ оид ба татбиқи лоиҳаҳои муштарак низ табодули афкор намуданд.
Дар ниҳоят байни роҳбарони агентиҳои иттилоотии давлатии Иттиҳоди Давлатҳои Мустақил Созишнома дар бораи ҳамкории хадамоти аккосӣ ба имзо расид.
Изҳороти Вазорати корҳои хориҷии Ҷумҳурии Тоҷикистон
Сафири Тоҷикистон дар Хадамоти Канслери федеролии Олмон мулоқоти судманд анҷом дод
Ҳамкорӣ бо Институти байналмилалии мудирияти захираҳои об баррасӣ гардид
Раиси Маҷлиси бузурги миллии Туркия, профессор, доктор Нуман Куртулмуш бо Агентии миллии итилоотии Тоҷикистон «Ховар» мусоҳибаи хаттӣ намуд
Дар Теҳрон ҳамкории дуҷонибаи Тоҷикистону Эрон баррасӣ гардид
Сироҷиддин Муҳриддин дар ҷаласаи Созмони ҳамкории иқтисодӣ иштирок намуд
Президенти Сингапур бо сафири Тоҷикистон мулоқот намуд
Cафири Тоҷикистон ба Президенти Узбекистон эътимоднома супорид
Тоҷикистон нишасти намояндагони доимии Осиёи Марказӣ дар СММ-ро баргузор намуд
Таҳти раисии намояндаи Тоҷикистон ҷаласаи Шурои намояндагони доимии ИДМ баргузор шуд
Cафири Тоҷикистон бо Вазири корҳои хориҷии Муғулистон мулоқот намуд
