Ғамхорӣ дар ҳаққи навхонадорон

Душанбе, 14.03.2016 (АМИТ «Ховар»).- Дирӯз бо ташаббуси хайрхоҳонаву падаронаи вазири корҳои дохилӣ Рамазон Раҳимзода тӯйи хонадоршавии ду фарзанди кормандони фавтидаи мақомоти корҳои дохилӣ, ки курсантони Академияи Вазорати корҳои дохилӣ мебошанд, барпо шуд.
Ин ду навҷавон фарзандони фавтидаи кормандони мақомоти корҳои дохилӣ буда, домод Шомаҳмадов Муҳаммад Муҳаббатович дар курси чорум ва арӯсшаванда Асророва Сайёра Қурбоновна дар курси дуюми Академияи Вазорати корҳои дохилӣ таҳсил менамоянд.
Бояд зикр кард, ки бо ташаббуси бевоситаи Рамазон Раҳимзода ба ин ду навҷавон, ки ба ҳаёти мустақилона қадам ниҳоданд, манзили истиқоматӣ бо тамоми шароити зист муҷаҳҳаз тақдим гардид.