Боздиди Сарвазири мамлакат аз ҷараёни корҳои сохтмонии Маркази барқу гармидиҳии Душанбе-2
Душанбе, 14.03.2016. (АМИТ «Ховар»). — Сарвазири мамлакат Қоҳир Расулзода 12 марти соли равон бо ҷараёни корҳои сохтмонии марҳилаи дуюми Маркази барқу гармидиҳии Душанбе-2 шинос шуд.
Зимни шиносоии Сарвазири мамлакат ва ҳайати ҳамроҳонаш аз мавзеи сохтмони биноҳои маъмурӣ, толори агрегатҳо, маҷмӯаи электронии ҷамъоварандаи чангу ғубор, иншооти таъминот ва гардишдиҳандаи об, низоми дастраскунандаи ангишт ва анборҳои захираи он иттилоъ дода шуд, ки корҳои сохтмонӣ дар иншооти мазкур мувофиқи нақша идома дошта, таҷҳизоти зарурии техникӣ барои фаъолияти бонизоми марҳилаи дуюми Маркази барқу гармидиҳӣ дастрас шудаанд.
Хотиррасон бояд кард, ки лоиҳаи сохтмони марҳилаи дуюми Маркази барқу гармидиҳии Душанбе-2 бо иқтидори 300 мГВ дар асоси созишномаи ҳамкории Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин амалӣ гардида, анҷоми корҳои сохтмонии навбати аввали он дар оғози мавсими тирамоҳу зимистони солҳои 2016-2017 пешбинӣ шудааст.
Дар анҷоми шиносоӣ таҳти раёсати Сарвазири мамлакат дар Маркази барқу гармидиҳии Душанбе-2 ситоди сайёри корӣ баргузор шуд, ки дар он роҳбарони вазорату идораҳои дахлдор ва масъулони ташкилоту иттиҳодияҳои сохтмонӣ барои иҷрои босифат ва саривақтии корҳои нақшавии сохтмонӣ, насбу васли таҷҳизоти дастрасшуда, фароҳамсозии шароити мувофиқ барои захираи ангиштсанг, таҳкими корҳои бунёди хаттҳои интиқоли гармӣ ва нуқтаҳои гармидиҳанда ва вусъати корҳои фаҳмондадиҳӣ дар миёни аҳолии пойтахт вобаста ба омодагӣ ва андешидани чораҳои зарурӣ барои пайваст намудани биною иншооти маъмурию истиқоматӣ ба шабакаҳои мутамаркази гармидиҳии шаҳри Душанбе вазифадор шуданд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
