Хатлониҳо дар татбиқи сиёсати ҳукумат пешсафанд
Душанбе, 10.03.2016. (АМИТ «Ховар»).- Кумитаи ҷавонон, варзиш ва сайёҳӣ зимни як назарсанҷӣ ва мушоҳидаҳо дар бахшҳои маҳаллии худ, инчунин тибқи натиҷаи ҳисобот дар соли 2015 ва фаъолияти думоҳа дар соли 2016 ҷавонони Хатлонро дар татбиқи сиёсати давлатии ҷавонон, варзиш ва сайёҳӣ муваффақтар меҳисобад.
Бояд ёдовар шуд, ки дар доираи чорабиниҳои кумита масъулини соҳа бо роҳбарии муовини раиси кумита Р. Назарзода аз 25 феврал то 2 марти соли 2016 бо мақсади огаҳ шудан аз фаъолияти бахшҳои маҳалӣ, фаҳмондадиҳии мафҳуми Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, лоиҳаи тағйиру иловаҳо ба Конститутсияи Ҷумҳурии Тоҷикистон, таъмини иштироки фаъолонаи ҷавонон дар ҳаёти сиёсӣ, иқтисодиву иҷтимоии кишвар як силсила вохӯриҳоро дар шаҳру ноҳияҳои вилояти Хатлон баргузор намуд.
Баррасии масъалаҳои иттилоотӣ ва омори соҳа, сифати корҳои таблиғотӣ аз масъалаҳои асосии шиносоӣ ва вохӯриҳо ба ҳисоб мерафт.
Кумита солҳои охир барои рушди соҳаи ҷавонон, варзиш ва сайёҳии вилоят, барпо намудани заминаи моддӣ ва тайёр намудани кадрҳои баландихтисоси соҳавӣ аҳамияти хосса медиҳад.
Имрӯз ҷавонони кишвар дорои неруи бузурги созанда ҳастанд ва саҳми онҳо дар роҳи ояндасозию бунёдкорӣ ва ҳиссагузорӣ дар умури давлатию ҳукуматдорӣ бориз дониста мешавад.
Аз сӯи дигар, ҷавонони бонангу номуси кишвар дар зарурати бартараф кардани рушди ифротгароӣ саҳмгузор буда, ба муқобили радикализм, тундгароӣ ва дигар зуҳуроти номатлуби замони муосир, ки барои ҷомеаи мо бегона мебошанд, мубориза бурда, барои пешгирии онҳо тадбирҳои мушахасси тарбиявӣ меандешанд.
Аз ин рӯ, ҷавонон созандагони ҷомеаи ҳуқуқбунёду демократӣ маҳсуб шуда, пайваста мавриди таваҷҷуҳ ва ҷонибдории роҳбарияти кишвар қарор доранд.
Ҳисси худшиносии ҷавонон, пеш аз ҳама, дар якдилӣ ва бетараф набудан нисбат ба хоку оби Ватан, адо кардани қарзи имониву шаҳрвандии хизмати ҳарбӣ дар қаламрави шаҳру ноҳияҳои кишвар дар мавсими даъвати баҳориву тирамоҳии соли 2016, нишонаи олии арҷ гузоштан ба муқаддасоти олии кишвар, Истиқлолият ва Ваҳдати миллӣ инъикос меёбад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
