Маросими супоридани нусхаҳои эътимодномаҳои сафирони давлатҳои хориҷӣ
Душанбе, 11.03.2016. (АМИТ «Ховар»). — 10 марти соли 2016 маросими супоридани нусхаҳои эътимодномаҳои сафирони навтаъйини ҳашт давлати хориҷӣ ба муовини якуми вазири корҳои хориҷии Ҷумҳурии Тоҷикистон Низомиддин Зоҳидӣ баргузор гардид.
Нусхаҳои эътимодномаҳои худро сафирони фавқулода ва мухтори Ҷумҳурии Беларус Олег Иванов, Шоҳигарии Шветсия Ингрид Терсман, Маҷористон Андраш Барани, Ҷумҳурии Юнон Данаи-Магдалина Куманаку, Ҷумҳурии Ирландия Эдриан Макдэйд, Ҷумҳурии Федеративии Бразилия Клаудио Раҷа Габаглия Линс, Бруней-Доруссалом Ҳоҷӣ Маҳади Майдин ва Сафири Ҷумҳурии Того Оуро Сама Муҳаммад Сад супориданд.
Пас аз маросим мулоқоти дуҷонибаи Низомиддин Зоҳидӣ бо сафирони навтаъйин доир гардид, ки зимни он ҳолати кунунӣ ва дурнамои рушди муносибатҳои Ҷумҳурии Тоҷикистон бо он кишварҳо мавриди баррасӣ қарор гирифтанд.
Муовини якуми вазир сафиронро бинобар ба ин вазифа таъйин шуданашон табрик намуда, ба онҳо барои амалигардонии фаъолияти касбиашон комёбиҳо таманно намуд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
