Симпозиуми байналмилалии илмӣ бахшида ба иди Наврӯз
Душанбе, 03.03.2016. (АМИТ «Ховар»). -Раёсати Академияи илмҳои Ҷумҳурии Тоҷикистон дар доираи чорабиниҳо оид ба баргузории Ҳамоиши байналмилалии адибони кишварҳои ҳавзаи Наврӯз (20-24 марти соли 2016) тасмим гирифтааст, ки 19 марти соли 2016, соати 10:00 дар толори Китобхонаи миллии Тоҷикистон Симпозиуми байналмилалии илмӣ бахшида ба Наврӯз доир намояд.
Бино ба иттилои Шервони Умриддин, котиби матбуотии Академияи илмҳои Ҷумҳурии Тоҷикистон дар симпозиум меҳмонон аз кишварҳои ҳавзаи Наврӯз, олимон ва адибону шоирони ҷумҳурӣ иштирок ва маърӯза менамоянд. Дар назар аст, ки дар симпозиум дар баробари ҷаласаи ифтитоҳӣ (пленарӣ), ҳамчунин масъалаҳои омӯзиш ва таҳқиқи таърих ва фалсафаи Наврӯз; суннатҳои фарҳангии Наврӯз ва аҳамияти онҳо дар ҷаҳони муосир; бозтоби масоили Наврӯз дар адабиёти ҷаҳонӣ ва нақши “Роҳи абрешим” дар густариши Наврӯз баррасӣ шаванд.
Забонҳои кории симпозиум тоҷикӣ, русӣ ва англисӣ мебошанд.
Шахсоне, ки мехоҳанд дар симпозиум маърӯза намоянд, матни электронии мақолаи худро аз рӯйи бахшҳои мазкур тавассути почтаи электронии rakesh-23@mail.ru ирсол намоянд.
Муҳлати ниҳоии қабули мақолаҳо то 10-уми марти соли 2016 мебошад.
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
Ҷаласаи Шурои ҳукуматӣ оид ба рушди кинематографияи миллӣ доир шуд
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
