Туризми Хатлон муаррифӣ мегардад

Душанбе, 10.03.1016. (АМИТ «Ховар»).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади тарғиби имкониятҳои сайёҳии вилояти Хатлон ва дар сатҳи баланди идона таҷлил намудани Наврӯзи байналмилалӣ, ҷалби ҳарчи бештари сайёҳони дохиливу хориҷӣ ба имконият ва захираҳои туристии вилоят, тавассути барномаи телевизионии сайёҳии «Сайёҳ»-и телевизиони «Тоҷикистон» хатсайрҳои нави туризми дохилӣ ва сайёҳати шаҳрӣ омода намуда, дар рӯзҳои наздик манзури тамошобинон мегардонад.
Ҳамзамон бо мақсади ройгон паҳн намудани маълумот дар воситаҳои ахбори омма, махсусан аз тарафи рӯзноманигорони ватанӣ дар маҷаллаҳо, телевизион ва сомонаҳои интернетӣ бо ибтикори кумита ва мусоидати мақомоти иҷроияи ҳокимияти давлатии вилояти Хатлон сафари рӯзноманигорони варзида иборат аз 15 нафар ба ин минтақа дар арафаи иди байналмилалии Наврӯзи хуҷастапай ташкил мешавад.