УЭФА: Бозиҳои ниҳоии Чемпионати Аврупо шояд бе иштироки мухлисон гузаранд

Душанбе, 2.03.2016 (АМИТ «Ховар»).-Бозиҳои ниҳоии Чемпионати Аврупо, ки тобистони соли равон дар Фаронса мегузаранд, мумкин аст аз як варзишгоҳ ба варзишгоҳи дигар, аз як шаҳр ба шаҳри дигар ва аз як вақт ба вақти дигар гузаронида шаванд,-чунин иттилоъ расидааст аз УЭФА. Сабаби асосии пайдо шудани ин хабар он аст, ки моҳи ноябри соли 2015 дар Париж- пойтахти Фаронса ҳамлаҳои террористӣ ба вуҷуд омаданд ва дар ҷараёни бозии байни дастаҳои мунтахаби Фаронса ва Олмон дар наздикии варзишгоҳи “Стад де Франс” се таркиш ба қайд гирифта шуд, ки дар натиҷа 130 нафар мубталои ин фоҷиа гардиданд. Бо сабаби таҳдиди таркондани варзишгоҳ дар Ганновер вохӯрии дӯстонаи дастаҳои мунтахаби Олмон ва Ҳолланд баргузор нашуд.
“Мо дар бораи ягон таҳдиди террористӣ чизе намедонем, аммо ҳамаҷониба омодаем”,- гуфтаанд аз УЭФА.
Ёдрас мешавем, ки бозиҳои ниҳоии Чемпионати Аврупо аз 10 июн то 10 июл дар даҳ шаҳри Фаронса баргузор хоҳанд шуд.