Вакилони МН бо орден ва ифтихорномаи АБ ИДМ ва СААД сарфароз гардиданд
Душанбе, 10.03.2016.(АМИТ «Ховар»).-Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон дар маросими ботантана ба як гурӯҳ вакилони палатаи поёнии Парлумони Тоҷикистон орден ва ифтихорномаи фахрии Ассамблеяи байнипарлумонии Иттиҳоди Давлатҳои Мустақилро /ИДМ/ супорид.
Аз ҷумла, барои саҳми назаррас дар рушди парламентаризм ва тақвияти ҳамкории мутақобилан судманд дар доираи Ассамблеяи байнипарлумонии ИДМ ва Созмони аҳдномаи амнияти дастаҷамъӣ /СААД/ муовини раиси Маҷлиси намояндагон Хайринисо Юсуфӣ бо ордени „Содружество-и (Иттиҳод) Ассамблеяи байнипарлумонии ИДМ, раиси кумитаи Маҷлиси намояндагон Ҷурахон Маҷидзода бо „Ифтихорномаи фахрии СААД ва вакилони Маҷлиси намояндагон Бибидавлат Афзалшоева, Дилшод Исматуллоев, Олимҷон Сафаров бо „Ифтихорномаи фахрии Ассамблеяи байнипарлумонии ИДМ сарфароз гардиданд.