“Атлетико”: Қадаме ба сӯи финал

Душанбе, 28.04.2016 /АМИТ «Ховар»/. Дар бозиҳои нимниҳоии Ҷоми чемпионҳои Аврупо ду дастаи Испания -“Атлетико” ва “Реал”-и Мадрид гомҳои худро ба сӯи бозии ниҳоии ин ҷом гузоштанд. Дирӯз “Атлетико” дар баробари “Бавария”-и Олмон дар варзишгоҳи “Висенте Калдерон” бо голи ягонаи  Саул дар дақиқаи 11 –ум ба ғалаба комёб шуд. “Бавария” ҳарчанд дар давоми бозӣ 69 дар сади назорати  тӯбро дар ихтиёр дошт, аммо хати дифои “Атлетико”-ро рахна карда натавонист.
Аз рӯи пешгӯии мутахассисон “Бавария” барои ба бозии ниҳоӣ роҳ ёфтан имкони бештар дорад.
Дар ин радиф  “Реал” вохӯриашро дар Англия бо “Манчестер Сити” бо ҳисоби 0:0 мусовӣ анҷом дод.
Бозиҳои ҷавобии дастаҳо рӯзҳои 3 ва 4-уми май гузаронида мешаванд.