КОМ: Ихтилоф оид ба таваққуфи ширкат дар музокироти Сурия вуҷуд надошт

Душанбе, 19.04.2016 /АМИТ «Ховар»/. Дар дохили Кумитаи олӣ оид ба музокирот (КОМ)-и мухолифини Сурия дар мавриди тасмими таваққуфи ширкат дар гуфтушунидҳои Женева ҳеҷ ихтилофе вуҷуд надошт, — изҳор дошт намояндаи КОМ Монзер Махус ба РИА «Новости».
«Не. Тасмимҳои мо моҳиятан комилан дурустанд. Ман намегӯям, ки 100 дарсад, вале аксарият комилан ризоянд. Хеҷ ихтилофе миёни нафароне, ки мухолифони шаҳрвандӣ ва низомиро намояндагӣ мекунанд, вуҷуд надорад»,- гуфт ӯ.
«Албатта, нафароне, ки дар замин меҷанганд, серталабанд. Вале мо то ҳанӯз дар ҳамон як саф қарор дорем», — зикр кард намояндаи КОМ.
КОМ рӯзи душанбе эълон дошт, ки бинобар сабаби аз ҷониби дигар иштирокдорон иҷро нагардидани низомномаи қатъномаи СММ ва баёнияи Женева музокирот ба таваққуф гузошта мешавад, вале таъкид кард, ки аз гуфтушунидҳо тамоман хориҷ намешаванд.