Мавсими нави футбол дар Лигаи якум

Душанбе, 15.04.2016 /АМИТ «Ховар»/. 20 апрел дар Тоҷикистон зери парчами Лигаи миллии футбол бозиҳо дар Лигаи якум шурӯъ мегарданд. Шумораи дастаҳо нисбат ба соли гузашта дар ин Лига тағйир наёфта бошад ҳам, аммо се дастаи нав ба он ҳамроҳ гардиданд: “Коммуна”-и Фархор, “Ваҳдат”-и Ваҳдат ва “Парвин”-и Бохтар.
Ғолиби Лигаи якуми соли гузашта “Ҳосилот”-и Фархор ба Лигаи олӣ баромад ва дастаҳои “Эсхата” бо “Маркази тайёрии олимпӣ”, мавсум ба “СОП” аз вилояти Суғд дар мусобиқаи имсола барои ширкат дархост надодаанд.
Ба ҳамин тартиб, рӯзи 20 апрел “Кӯктош” бо “Панҷшер”, “Ҳулбук” бо “Чашма” ва “Локомотив бо “Зарафшон” , рӯзи 21 апрел “Канд” бо “Саройкамар”, “Коммуна” бо “Ваҳдат” ва “Помир” бо “Парвин” вориди рақобат мешаванд.