Мулоқоти Директори АМИТ «Ховар» бо роҳбари Дафтари Авруосиёи «Синхуа»
Душанбе, 27.04.2016. /АМИТ «Ховар»/. Имрӯз Директори Агентии миллии иттилоотии «Ховар»-и назди Ҳукумати Ҷумҳурии Тоҷикистон Саидалӣ Сиддиқ бо директори Дафтари Авруосиёи Агентии иттилоотии «Синхуа»-и Ҷумҳурии Мардумии Чин Фан Вейго, ки бо сафари корӣ дар Душанбе қарор дорад, мулоқот кард.
Зимни мулоқот ҳарду ҷониб доир ба масоили таҳкими ҳамкории иттилоотӣ табодули афкор намуданд.
С. Сиддиқ меҳмононро бо АМИТ «Ховар» шинос намуда, зикр кард, ки ҳамкорӣ миёни агентиҳои расмии иттилоотии ду кишвари дӯст дар солҳои Истиқлолияти давлатии Тоҷикистон, ки соли равон 25 солагии он таҷлил мегардад, оғоз ва рушд ёфт.
Фан Вейго оид ба платформаи «Роҳи абрешими Синхуа» барои расонидани иттилооти иқтисодӣ, ки аз ҷониби АИ «Синхуа» барои кишварҳои дар масири камарбанди иқтисодии Роҳи абрешим – «Як камарбанд – як роҳ» воқеъбуда таъсис дода шудааст, маълумот дод.
Ҷонибҳо ҳамчунин зикр намуданд, ки АМИТ «Ховар» ва АИ «Синхуа» ҳамчун сохторҳои муҳими иттилоотии Тоҷикистону Чин дорои заминаи мусоид барои густариши ҳамкорӣ ва ба роҳ мондани ҳамкории амалӣ бо мақсади таъмини иттилооти расмӣ ба Тоҷикистону Чин, кишварҳо ва манотиқи дар масири «Як камарбанд – як роҳ» воқеъбуда мебошанд.
Ёдовар мешавем, ки АИ «Синхуа» яке аз бузургтарин агентиҳои иттилоотии ҷаҳон мебошад. Он соли 1931 ҳамчун «Агентии иттилооти сурхи Чин» таъсис ёфта, аз соли 1937 инҷониб номи кунуниашро дорад. АИ «Синхуа» дорои 170 нуқта дар тамоми ҷаҳон, 31 дафтар дар ҳудуди ҶМЧ ва як зумра дафтарҳо дар дигар манотиқи ҷаҳон мебошад. Беш аз 30 рӯзномаву маҷалла нашр мекунад. АИ «Синхуа» расман ба сохтори Ҳукумати ҶМЧ шомил мебошад.
Дар Вазорати корҳои хориҷии Тоҷикистон намоиши ҷашнӣ ифтитоҳ гардид
Тоҷикистон ва Молдова ҳамкориро дар самтҳои мухталиф баррасӣ намуданд
«ЭМОМАЛӢ РАҲМОН — ДИПЛОМАТИЯИ ОБ: АЗ ҚАДАМИ АВВАЛ ТО БА ШАРИКИИ ГЛОБАЛӢ». Нашриёти «Весь мир» таҳти ин унвон китоб нашр кард
Тоҷикистон ва Кувайт масъалаи афзоиш додани гардиши мол байни ду давлатро баррасӣ намуданд
Тоҷикистон ва Кувайт тақвияти робитаҳоро дар самтҳои иқтисод ва тиҷорат муҳим арзёбӣ намуданд
Давлатҳои аъзои СҲИ барои иштирок дар Конфронси навбатии байналмилалии сатҳи баланди «Раванди Душанбе» даъват шуданд
Сироҷиддин Муҳриддин дар Ҷаласаи ғайрирасмии вазирони корҳои хориҷии кишварҳои узви Созмони ҳамкории иқтисодӣ иштирок намуд
Ҳайати Тоҷикистон дар Ҷаласаи солонаи вазирони корҳои хориҷии Гурӯҳи 77 ва Чин иштирок кард
Тоҷикистон ва Гвинея-Бисау муносибатҳои дипломатӣ барқарор намуданд
Дар Ню-Йорк нишасти вазирони корҳои хориҷии Осиёи Марказӣ ва Иёлоти Муттаҳидаи Амрико доир шуд
Тоҷикистон ва Арабистони Саудӣ талаботи раводид барои дорандагони шиносномаҳои дипломатӣ ва хизматиро бекор менамоянд
Сироҷиддин Муҳриддин дар нишасти солонаи Гурӯҳи кишварҳои тараққикунандаи маҳсур дар хушкӣ дар Ню-Йорк иштирок намуд
