Омодагиҳо ба раъйпурсӣ дар Восеъ қаноатбахшанд

Восеъ,  28.04.2016 /АМИТ «Ховар»/.  Дар ноҳияи Восеъ дар доираи омодагиҳо ба маъракаи муҳими сиёсӣ-раъйпурсии умумихалқӣ оид ба тағйиру иловаҳо ба Конститутсияи Ҷумҳурии Точикистон 58 участкаи интихоботӣ, ки шомили ҳавзаи раъйпурсии рақами 52 мебошанд, бо тамоми шароити лозимӣ, шиору навиштачоти даъватӣ, кабинаҳо ва  қуттиҳои овоздиҳӣ, аз ҷумла қуттиҳои сайёр ва  дигар воситаҳо таъмин гардидаанд. Ба иттилои масъулини ҳавзаи раъйпурсии Восеъ №52, то имрӯз шумораи умумии раъйдиҳандагон 90 ҳазору 990 нафарро ташкил медиҳад.
Ҳоло аз ҳисоби мақомоти иҷроияи ҳокимияти давлатии ноҳия 69 гурӯҳи таблиғотӣ ташкил гардида, моҳияти тағйиру иловаҳоро ба аҳолӣ мефаҳмонанд.