Овози ман барои ояндаи дурахшони Тоҷикистон!
Душанбе, 22.04.2016. /АМИТ «Ховар»/. «Овози ман барои ояндаи дурахшони Тоҷикистон!» -таҳти чунин унвон дар маконҳои сераҳолии чор ноҳияи пойтахт бо таъсиси гурӯҳҳои таблиғотӣ аз ҳисоби ҷавонони фаъол ҳамоиши умумишаҳрӣ гузаронида шуд. Он дар доираи омодагӣ ба маъракаи муҳими дарпешистода — раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон аз ҷониби намояндагии Иттифоқи ҷавонони Тоҷикистон дар шаҳри Душанбе дар ҳамкорӣ бо Комиссияи марказии интихобот ва раъйпурсии Ҷумҳурии Тоҷикистон баргузор гардид.
Мақсади асосии чорабинӣ расонидани моҳияти тағйиру иловаҳо ба Конститутсияи (Сарқонуни) Ҷумҳурии Тоҷикистон ба шаҳрвандон ва ҷалби ҳарчӣ бештари ҷавонон ба раванди омодагӣ ба раъйпурсӣ мебошад.
Дар доираи ҳамоиш мизи мудаввар таҳти унвони «Аҳамияти арзишҳои конститутсионӣ дар тарбияи ҳуқуқии ҷавонон» доир гашт, ки дар он нақши бевоситаи ҷавонон дар ҳаёти сиёсиву иҷтимоии Тоҷикистони соҳибистиқлол муҳим арзёбӣ гардид.
Ҷавонони фаъоли пойтахт дар арафаи баргузории раъйпурсии умумихалқӣ ба комиссияҳои раъйпурсӣ дар паҳн намудани маводи тарғиботию ташвиқотӣ, инчунин ба шаҳрвандон расонидани хабарномаҳо метавонанд кумаки амалӣ расонида, ба ин васила дар пешрафти ҳаёти сиёсии кишвар саҳми муносиби худро гузоранд.
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар баъзе ноҳияҳои Тоҷикистон барф меборад
Дар шаҳри Норак барои ҳифзи тартиботи ҷамъиятӣ санҷишҳои шабона гузаронида шуданд
Имрӯз дар Тоҷикистон ҳавои тағйирёбанда пешгӯӣ мешавад
МАСЛИҲАТИ МУТАХАССИС. Боғпарварон бояд аз рӯзҳои сард ва бориши барф самаранок истифода намоянд
Имрӯз дар Тоҷикистон туман мефарояд
Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
Алоқаи боэътимод барои бонки рақамӣ
Имрӯз дар Тоҷикистон барф меборад
