Пешгирии бемории камхунӣ дар ҶТ

Душанбе, 19.04.2016. /АМИТ «Ховар»/. «Маркази ҷумҳуриявии ташаккули тарзи ҳаёти солим»-и Вазорати тандурустӣ ва ҳифзи иҷтимоии аҳолӣ дар якҷоягӣ бо Лоиҳаи СИНО ва Ташкилоти «Наҷоти кўдакон» 19 апрели соли равон машварат оид ба пешгирии бемории камхунӣ дар Ҷумҳурии Тоҷикистонро доир намуд.
Дар машварат масъалаҳои камхунӣ, сабабҳои гирифторшавӣ ба камхунӣ, амалиёт ҳангоми камхунӣ ва самтҳои асосии мубориза бар зидди норасоии оҳан дар хун баррасӣ гардиданд.
Тибқи иттилои омори тандурустӣ, имрўз дар Ҷумҳурии Тоҷикистон зиёда аз 45-50% занони қобили таваллуд, 35-40% кўдакони то 2 сола ва 60-80% занони ҳомиладор ба бемории камхунӣ ва камшавии оҳан дар хун гирифторанд.