«Шоҳнома» ва «Тоҷикон дар оинаи таърих»-ро мехонем!

Апрель 22, 2016 16:58

Душанбе, 22.04.2016. /АМИТ «Ховар»/. Дар доираи чорабиниҳои Кумитаи иҷроияи ҲХДТ дар шаҳри Кӯлоб ҳамоиши ҳизбӣ таҳти унвони «Китоби «Шоҳнома»-и Абулқосим Фирдавсӣ ва китоби «Тоҷикон дар оинаи таърих»-и Асосгузори сулҳу Ваҳдати миллӣ-Пешвои миллат, Президенти Ҷумҳурии тоҷикистон муҳтарам Эмомалӣ Раҳмонро мехонем!» дар донишгоҳову донишкадаҳо ва коллеҷҳо баргузор мешавад. 21 апрел ҳамоиши мазкур дар Коллеҷи милитсияи ВКД Ҷумҳурии Тоҷикистон бо қароргоҳ дар шаҳри Кӯлоб баргузор гардид.
Устодону коршиносони соҳа зикр карданд, ки дар таърихи тамаддуни башарият мақом ва манзалати «Шоҳнома» хеле бузург аст. Паҳлуҳои мухталифи «Шоҳнома» асосан дар бораи ватандӯстӣ, ифтихори миллӣ ва пос доштани забони форсу тоҷик буда, дар баробари ин китоби «Тоҷикон дар оинаи таърих»-и Асосгузори сулҳу Ваҳдати миллӣ-Пешвои миллат муҳтарам Эмомалӣ Раҳмон муарифгари миллати тоҷик дар арсаи байналмилалӣ мақом ва манзалати хоса дорад.
Сипас аз рӯи шартҳои ҳамоиш курсантони коллеҷи миллитсия қироати шеърҳо аз «Шоҳнома»-и Фирдавсии бузург, сурудҳо дар васфи ватанпарастиву ватандӯстӣ, шеърҳо дар васфи «Пешвои миллат», баромадҳо аз рӯи мавзӯъҳои китоби «Тоҷикон дар оинаи таърих» ва намоиши достони «Рустам ва Суҳроб» пешкаши ҳозирин гардонида шуда, аз тарафи коршиносон баҳои баланд дода шуд.
Зикр шуд, ки ҳадафи ҳамоиши ҳизбӣ таҳти унвони «Китоби «Шоҳнома»-и Абулқосим Фирдавсӣ ва китоби «Тоҷикон дар оинаи таърих»-и Асосгузори сулҳу Ваҳдати миллӣ-Пешвои миллат муҳтарам Эмомалӣ Раҳмонро мехонем!» аз дӯст доштани Ватан, ҳифзи марзу бум, далериву мардонагӣ, Ваҳдати миллӣ, мавқеи занон ва ҷавонон дар ҷомеа, нақши Асосгузори сулҳу Ваҳдати миллӣ – Пешвои миллат Эмомалӣ Раҳмон дар кори ба даст овардани комёбиҳои замони истиқлолият, тарғиби дигар ғояҳои пешқадам, ки дар китоби «Шоҳнома» ва «Тоҷикон дар оинаи таърих» оварда шудааст, иборат мебошад.

Апрель 22, 2016 16:58

Хабарҳои дигари ин бахш

МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд