Қуръакашӣ ҷуфти бозиҳои нимниҳоиро муайян кард

Душанбе, 15.04.2016 /АМИТ «Ховар»/. Дар қуръакашии бозиҳои нимниҳоии Ҷоми чемпионҳои Аврупо, ки навакак дар шаҳри Нийони Швейтсария ба анҷом расид, “Реал”-и Мадрид бо “Манчестер Ситӣ” ва “Атлетико” бо “Бавария” рақиби якдигар интихоб шуданд.
Дастаҳо дар бозии аввал рӯзи 26 ва 27 апрел ба майдон омада, вохӯрии ҷавобиро рӯзи 3 ва 4 май доир мекунанд.
“Манчестер Ситӣ” бори аввал дар таърихи худ ба бозиҳои нимниҳоӣ роҳхат гирифтааст. Дар бозии ¼ -ниҳоӣ ин даста «ПСЖ»-ро дар ду рақобат (2:2, 3:2) мағлуб намуд.
“Реал” дар бозии ниҳоят душвор “Волсфбург”-ро дар майдонаш бо натиҷаи 3:0 шикаст дода, дар сафар бо ҳисоби 0:2 шаҳди бохтро чашид.
“Атлетико” бо бартарии 3:2 дар ҷамъи ду вохӯрӣ “Барселона”-ро шикаст дод ва “Бавария” нисбат ба “Бенфика” (1:0, 2:2) беҳтар буд.