25 май- Иди касбии кормандони мақомоти «Тоҷикстандарт»
Душанбе,25.052016/АМИТ «Ховар»/. Имрӯз, 25 май кормандони Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон иди касбии худро таҷлил менамоянд. Ду сол муқаддам, аниқтараш соли 2014 вакилони Палатаи поёнии Парлумони Тоҷикистон ба Қонуни Ҷумҳурии Тоҷикистон «Дар бораи рӯзҳои ид» тағйирот ворид намуданд, ки тибқи он ҳамасола 25 май дар кишвар Рӯзи кормандони мақомоти «Тоҷикстандарт» таҷлил карда мешавад. Таҷлили ин сана шаҳодатест аз муҳимияти мақомоти «Тоҷикстандарт» дар таъмини амнияти озуқавории кишвар. Бояд тазаккур дод, ки мақомоти «Тоҷикстандарт» ҳамчун як ниҳоди калидӣ дар зарфи 25 соли Истиқлолияти давлатии Ҷумҳурии Тоҷикистон дар рушди иқтисодиёти миллии кишвар нақши муассир гузоштааст. Пайдоиши соҳаи стандартизатсия таърихи куҳан дошта, бори нахуст дар Чин ва Мисри қадим зуҳур намудааст. Таърихи пайдоиш ва ташаккули стандартизатсия ва метрологияи тоҷик ҳанӯз аз давраи вусъатёбии давлати Сомониён дар асрҳои в IX-X сарчашма мегирад, зеро яке аз девонҳои давлати Сомониён девони Муҳтасиб ном дошт.
Дар давраҳои мавҷудияти Ҳукумати Шӯравӣ хадамоти метрологӣ аввалин маротиба соли 1926 баъди ба имзо расидани Қарори Ҳукумати Ҷумҳурии Мухтори Шӯравии Сотсиалистии Тоҷикистон «Дар бораи дар шаҳри Душанбе ташкил намудани шуъбаи муваққатии санҷишгузаронии метрологии палатаи ченаку вазн» таъсис дода шуд.
Аз октябри соли 1929 бо қарори Ҳукумати Ҷумҳурии Шӯравии Сотсиалистии Тоҷикистон аввалин маротиба хадамоти мустақили давлатии метрологӣ — палатаи ченаку вазн ташкил ёфт. То солҳои 90-ум ҳамчун Маркази стандартизатсия, метрология ва сертификатсия фаъолият мекард. Имрӯз Агентии «Тоҷикстандарт» ҳамчун мақомоти милиии танзимкунандаи стандартизатсия ва метрология бо як қатор созмонҳои байналмилалӣ ҳамкории судманд дошта, аъзои созмони байналмилалии стандартизатсия, узви Шӯрои байнидавлатии Иттиҳоди Давлатҳои Мустақил оид ба стандартизатсия , метрология ва сертификатсия, аъзои созмони байналмилалӣ оид ба стандартизатсия ва узви чандин созмонҳои дигари байналмилалист.
Дар шаҳри Турсунзода ҷаласаи сайёри Шурои ҷамъиятӣ баргузор гардид
Шабакаи «МегаФон Тоҷикистон» бо аккумуляторҳои пуриқтидор муҷаҳҳаз мегардад
Имрӯз дар баъзе ноҳияҳои Тоҷикистон туман мефарояд
ЗИМИСТОН ФАРО РАСИД. Дар моҳи аввали ин фасл ҳарорати ҳаво аз меъёри иқлимӣ 1 дараҷа паст пешгӯӣ мешавад
Дар Истаравшан 45 километр роҳҳои калони нақлиётгард мумфарш карда шуданд
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Шуғнон 233 иншоот бунёду навсозӣ мешаванд
МАСЛИҲАТИ МУТАХАССИС. Мош қобилияти дуру дароз захира шуданро дорад
Шабакаҳои барқи ноҳияи Восеъ ба фасли зимистон омода мебошад
Имрӯз дар Тоҷикистон бориши борон дар назар аст
Дар Душанбе конфронси минтақавӣ оид ба ҳамкорӣ барои рушди устувор доир гардид
«МАКТАБИ ХАБАРНИГОРОНИ ҶАВОН». Таҳти чунин унвон дар Хатлон даври омӯзишӣ оғоз гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
