Артиши Сурия кони гази Аш — Шоерро таҳти назорати худ даровард

Душанбе, 05.05.2016 /АМИТ «Ховар»/. Артиши Сурия гурӯҳи террористии ба ном «Давлати исломӣ»- ро аз мавқеи ишғолкардааш дар кони нафту гази Аш-Шоер (120 км аз Ҳумс) бартараф кардааст. Бино ба иттилои рӯзномаи «Ал-Watan», ҷангиён он ҷо рӯзи душанбе панҷ чоҳи газро забт карданд. Гурӯҳҳои ДИ беихтиёр дар ақибгоҳи неруҳои Сурия, ки баъд аз озод шудани Палмира ҳуҷум ба қаъри биёбони Сурия ва марз бо Ироқро давом медиҳанд, қарор гирифтанд.
Тибқи иттилои «Ал-Watan», амалиёти озодкунии кони газ бо дастгирии фаъоли Неруҳои ҳарбӣ-ҳавоии Сурия сурат гирифт. «Дар ҷараёни он рақиб талафоти ҷонӣ бардошта, техникаи низомиаш низ тахриб гардид»,- зикр мекунад нашрия. Аш-Шоер, ки дар минтақаи марказӣ ҷойгир шудааст, майдони калонтарини гази Сурия ба ҳисоб меравад.