Дар Хатлон ҳамоиши 20 мототсиклрон доир гардид

Қурғонтеппа, 10.05.2016. /АМИТ «Ховар/. Бо ташаббуси филиали Иттифоқи ҷавонони Тоҷикистон дар вилояти Хатлон ҳамоиши мототсиклронии ҷавонон бахшида ба раъйпурсии умумихалқӣ дар самтҳои Қурғонтеппа-Балхӣ-Дӯстӣ-Қубодиён-Шаҳритус- Н.Хусрав-Қурғонтеппа баргузор гардид.
Ба иттилои Беҳруз Бобоев, сармутахассиси Раёсати ҷавонон, варзиш ва сайёҳии вилояти Хатлон, ҷавонон аз мавзеъҳои сайёҳӣ дидан намуда, ба сокинон маводи иттилоотиро оид ба баргузории маъракаи муҳим-раъйпурсии умумихалқӣ дастрас намуданд.
Дар ҳамоиш 20 мототсиклрон ва 300 нафар ҷавонон иштирок карданд.