Дар Хуҷанд Рӯзҳои ҷавонон оғоз гардиданд
Душанбе, 06.05.2016./АМИТ«Ховар»/. Дар шаҳри Хуҷанд бахшида ба таҷлили Рӯзи ҷавонони Тоҷикистон таҳти унвони «Ҷавонон-пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» силсилаи чорабиниҳои фарҳангӣ баргузор мегардад. Аз ҷумла, ба муносибати 71-умин солгарди Рӯзи Ғалаба дар Ҷанги дуюми ҷаҳонӣ ҳафтаи «Поси хотир» ва дар Осорхонаи таърихию кишваршиносии вилояти Суғд таҳти унвони «Ҳеҷ кас ва ҳеҷ чиз фаромӯш нашудааст» нишастҳои пуршукӯҳ ва хотирмон баргузор гардиданд.
Дар яке аз онҳо иштирокдорони ҷанг — Мамадхон Эшонов ва Қориҷон Ахмедов бо гирандагони стипендияи президентӣ ва раиси шаҳр, ҷавонони фаъол ва сарбозони қисми низомии 3501-и Вазорати корҳои дохилии Ҷумҳурии Тоҷикистон мулоқот намуда, аз зиндагӣ ва корнамоиҳои худ дар набардҳои мудҳиши ҷанг нақл намуда, ҷавононро ба меҳнатдӯстию ватандӯстӣ, ки меҳвари асосии зиндагии шоиставу арзандаи инсонанд, даъват намуданд.
Мӯъминҷон Орипов, раиси Шӯрои собиқадорони ҷанг ва меҳнати шаҳр, Комилҷон Содиқов, раиси собиқадорони ҷанговарони интернатсионалисти вилояти Суғд, Муқимҷон Қобилов, раиси собиқадорони ҷанговарони интернатсионалисти шаҳр низ таъкид намуданд, ки ҷавонон бояд дар вазъияти ташвишовари ҷаҳони имрӯза ҳушёриву зиракии сиёсиро аз даст надода, кӯшиш намоянд, ки ба омӯзиши касбу ҳунар машғул шаванд ва ба қадри оромиву ободии Ватан расида, онро чун гавҳараки чашм нигаҳбон бошанд.
Ҳунарнамоии хонандагони мактаби таҳсилоти миёнаи умумии № 27 -и шаҳр дар қироати шеър ва намоиши саҳначаҳо дар мавзӯи дӯст доштани Ватан — Тоҷикистони азиз ба ҷамъомад шукӯҳи тоза бахшид.
Дар ин бора аз Маркази матбуоти мақомоти иҷроияи ҳокимияти давлатии шаҳри Хуҷанд иттилоъ доданд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
