Дар участкаи раъйпурсии №1 то соати 10 пагоҳӣ зиёда аз 40 фоизи раъйдиҳандагон мавқеи худро муайян карданд

Май 22, 2016 11:16

Душанбе, 22.05.16. /АМИТ «Ховар»/. Имрӯз  дар ҳамаи участкаҳои интихоботии кишвар  раъйпурсии умумихалқӣ оид ба ворид намудани  тағйиру иловаҳо  ба Конститутсияи (Сарқонуни) Ҷумҳурии Тоҷикистон оғоз гардид. Дар участкаи раъйдиҳии №1-и ноҳияи Шоҳмансур,  ки дар бинои Мактаби таҳсилоти миёнаи умумии №20 воқеъ гардидааст, 1 ҳазору 450 нафар  овоздиҳандагон ба қайд гирифта шудаанд, ки 7 нафари онҳо бори аввал раъй медиҳанд.
Ба иттилои аъзои комиссияи участкаи мазкур  Майсара Ҷураева, то соати 10 пагоҳӣ зиёда аз 40 фоизи раъйдиҳандагон мавқеи худро муайян намуданд.
Майсара Ҷураева афзуд, ки иштироки васеи мардум дар раъйпурсӣ, алалхусус фаъол будани ҷавонон дар ин маъракаи муҳими сиёсӣ, аз сатҳи баланди донишу маърифат ва ҳисси масъулиятшиносии онҳо,  суботу эътидоли иҷтимоию иқтисодӣ ва рушди фарҳангии ҷомеа гувоҳӣ медиҳад.
Ба иттилои ӯ, дар раъйпурсӣ кормандони Раёсати корҳои дохилии шаҳри Душанбе пешсаф буда, то ин дам 150 нафари онҳо аллакай омада овози худро доданд.
«Дар участкаи мо 18 нафар пирони барҷомонда ба қайд гирифта шудаанд, ки то бегоҳ ба хонаи онҳо рафта, овози онҳоро низ мегирем», гуфт М. Ҷураева.
То ин соат дар раъйпурсӣ шахсони номдори кишвар-депутати Маҷлиси намояндагони Маҷлиси Олии ҶТ даъвати дуюм  Гулафзо Савриддинова, вакили мардумӣ Абдуазиз Ҷабборов ва  профессор  Фахриддин Мирзоаҳмедов, ки дар қайди участкаи раъйдиҳии №1 ҳастанд,низ иштирок намуданд.

Май 22, 2016 11:16

Хабарҳои дигари ин бахш

Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Панҷакент оид ба омодагии ҷавонон ба хизмати ҳарбӣ машварат баргузор шуд