Дар Ваҳдат бо донишҷӯён мулоқоти судманд доир шуд
Ваҳдат, 11.05.2016 /АМИТ «Ховар»/. Ҳафтаи равон вохӯрии намояндагони Прокуратураи шаҳри Ваҳдат бо омӯзгорон ва донишҷӯёни Коллеҷи тиббии шаҳр баргузор шуд. Дар вохӯрӣ масъулин роҷеъ ба мазмуну моҳияти тағйиру иловаҳо ба Конститутсияи (Сарқонуни) Ҷумҳурии Тоҷикистон, фарҳанги истифодаи телефонҳои мобилӣ, шомил нагардидани ҷавонон ба гурӯҳҳои ифротӣ ва дурӣ ҷустан аз фарҳанги бегона сухан гуфтанд. Ёрдамчии прокурори шаҳр Ҷонибек Маҳмудзода зикр намуд, ки тағйиру иловаҳо ба Конститутсия ҷавобгӯи рушди кунунии давлат ва ҷамъият буда, бо мақсади таъмини кафолати ҳифзи ҳуқуқу озодиҳои инсон ва шаҳрванд, иштироки фаъоли шаҳрвандон, бахусус ҷавонон дар ҳаёти сиёсӣ ва идораи давлат равона шудаанд.
Директори Коллеҷи тиббӣ, ҳамзамон раиси камиссияи ҳавзавии №5 Маҳмад Муродов иброз намуд, ки тағйиру иловаҳо ба Конститутсияи кишвар ба муътадилсозии вазъи сиёсӣ, иқтисодиву иҷтимоӣ ва фарҳангии ҷомеа мусоидат мекунанд ва Тоҷикистон дар ҳар марҳилае, ки ба Конститутсия тағйиру илова ворид кардааст, он ба талаботу меъёрҳои ҷаҳонӣ мутобиқ буда, вобаста ба шароит мукаммал шудаанд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
