«Манчестер Юнайтед» ғолиби Ҷоми Англия гардид
Душанбе, 24.05.2016 /АМИТ «Ховар»/. Дастаи футболи«Манчестер Юнайтед» баъд аз мушкилию нокомиҳои тӯлонӣ дар мусобиқоти Примйер Лигаи Англия, билохира табъи сармураббии ҳолландии худ Луи Ван Гал ва кулли мухлисонашонро шод намуд. Дар бозии ниҳоии Ҷоми Англия тимҳои футболи «Манчестер Юнайтед» ва «Кристалл Пелас» хеле ҷолибу ҷозиб бо ҳам неру озмуданд ва дар ниҳоят ҷоизаи асосӣ насиби дастаи «Манчестер Юнайтед» гардид.
Бозии ниҳоии Ҷоми Англия дар варзишгоҳи маъруфи «Уэмбли» -и шаҳри Лондон баргузор гардид. Вақти асосии бозӣ бо ҳисоби 1 бар 1 ҷамъбаст шуд. Голи задаи Ҷейсон Панчон дар қисми дуюми бозӣ дастаи «Кристалл Пэлас»-ро ба пеш баровард, аммо дар дақиқаи 81-уми вохӯрӣ Хуан Матта ҳисобро баробар намуд.
Вақти асосӣ анҷом ёфту ҳисоби бозӣ тағйир наёфт ва довар 30 дақиқаи дигар илова намуд. Дар дақиқаи 105-уми бозӣ муҳофизатгари марказии «Манчестер Юнайтед» Крис Смоллинг барои ду корти зард гирифтанаш аз майдон ронда шуд ва баъд аз 5 дақиқа Ҷесси Лингард голи ҳалкунандаро ба дарвозаи «Кристалл Пэлас» ворид намуду пирӯзии дастаашро дар ин рақобати мушкил таъмин сохт.
Ҳамин тариқ, дастаи «Манчестер Юнайтед» баъд аз 8 соли танаффус боз барандаи Ҷоми Англия гардид. «Манчестер Юнайтед» маротибаи 12-ум аст, ки Ҷоми Англияро соҳиб мегардад.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
