Ғолибони даври дуюми мусобиқаи ҷумҳуриявӣ оид ба муайян кардани деҳот, деҳа, маҳалла, хона ва оилаи намунавӣ муайян шуданд

Душанбе, 31.05.2016 /АМИТ «Ховар»/. Дар толори  мақомоти иҷроияи ҳокимияти давлатии шаҳри Кӯлоб даври дуюми мусобиқаи ҷумҳуриявӣ оид  ба муайян кардани деҳот, деҳа, маҳалла, хона ва оилаи намунавӣ, ки ба 25-солагии Истиқлолияти давлатии Ҷумҳурии Тоҷикистон бахшида шудааст, ҷамъбаст гардид.
Муовини раиси шаҳр Саймурод Исмоилзода, ки вазифаи раиси Комиссияи мусобиқаи шаҳриро дар ихтиёр дошт,  оид ба кори ҳайати Комиссия дар давраи дуюми мусобиқаи ҷумҳуриявӣ маълумот дод.
Тибқи иттилои муовини раиси шаҳр деҳоти «Зарбдор», деҳаи Ҳакимободи деҳоти «Зиракӣ», маҳаллаи Исмоили Сомонии шаҳр, хонаи Файзулло Қурбонови сокини деҳоти «Зиракӣ» ва оилаи Мустафо Ватанови сокини деҳоти «Зарбдор» сазовори ҷойи аввали мусобиқа дониста шуда, ба даври сеюми мусобиқа, яъне вилоятӣ роҳхат гирифтанд.