Раҳпаймоии сокинон ба хотири падарону бобоёни қаҳрамон

Хоруғ, 10.05.2016 /АМИТ «Ховар»/. Дирӯз дар кӯчаи марказии шаҳри Хоруғ раҳпаймоӣ ба хотири ёдоварӣ аз қаҳрамонию далерии иштирокдорони ҶДҶ баргузор шуд. Наврасону ҷавонон бо аксҳои ветеранҳои ҷанг аз майдони Исмоили Сомонӣ то пайкараи Аскари номаълум раҳ паймуданд. Солҳои қаблӣ пешопеши онҳо чанд нафар аз шоҳидони ин набарди беназири асри бист қадам мезаданд, аммо имсол танҳо се нафар дар ин ҷашн ширкат доштанд. Ба гуфтаи раиси собиқадорони ҷангу меҳнат аз 2,5 ҳазор сарбозони собиқ давлати шӯравӣ ба зодгоҳашон танҳо якуним ҳазор нафар баргаштанд. Холо танҳо 6 нафар аз ин родмардон зинда мондаанд, ки аз онҳо се нафарашон дар чорабинии имрӯза ширкат доранд. Ҳарчанд бо гузашти сол теъдодашон камтар мешавад, аммо корнамоӣ ва шуҷоату далерии онҳо рӯи сафҳаи таърих сабт аст ва насли имрӯзу фардо аз он баҳра мебардорад.
Ба гуфтаи Пешвои миллат, Президенти кишвар Эмомалӣ Раҳмон «Иштирокчиёну собиқадорони гиромии мо нигоҳдорандаи анъанаҳои пуршарафи гузашта, намунаи устуворӣ, мардонагӣ ва илҳомбахшу тарбиятгари наслҳои ҷавони миллат ҳастанд».