Тақдими идрорпулиҳо ба ҷавонони фаъоли шаҳри Гулистон

Душанбе, 23.05.2016 /АМИТ «Ховар»/.  Дар Мақомоти иҷроияи ҳокимияти давлатии шаҳри Гулистон бахшида ба Рӯзи ҷавонони Тоҷикистон маросими супоридани идрорпулиҳои раиси шаҳр баргузор гашт.
Раиси шаҳр Матлубахон Амонзода дар бораи гузаронидани чорабиниҳои шаҳрӣ бахшида ба Рӯзи ҷавонони Тоҷикистон таҳти унвони «20 рӯзи ҷавонон» маълумот дода,  ба 25 нафар ҷавонони пешқадам ва фаъол идрорпулӣ ва шаҳодатномаҳои махсуси гирандаи идрорпулии раиси шаҳри Гулистон супорида шуд. Инчунин 26 нафар кормандони ҷавони беҳтарини ташкилоту корхонаҳо  низ аз тарафи раиси шаҳр бо Сипоснома ва туҳфаҳои хотиравӣ сарфароз гардонида шуданд.