ВКД: Сокини ноҳияи Ёвон бо 434 грамм афюн дастгир гардид

Душанбе,26.05.2016 /АМИТ Ховар/.24 май зимни  гузаронидани чорабиниҳои фаврию ҷустуҷӯӣ кормандони милитсия дар ҳудуди ноҳияи Шоҳмансури шаҳри Душанбе, кӯчаи Айнӣ, марди 45-солаи сокини ноҳияи Ёвонро бо гумони ғайриқонунӣ нигоҳ доштани маводи нашъадор дастгир намуданд.
Тавре ки аз Вазорати корҳои дохилии кишвар хабар доданд, дар вақти кофтукови шахсӣ аз номбурда 434 грамм маводи нашъадори навъи афюн дарёфт ва мусодира карда шуд.
Муайян карда шуд, ки  номбурда маводи мазкурро аз марди 44-солаи сокини шаҳри Ваҳдат ба маблағи 4 ҳазору 500 сомонӣ харидорӣ намудааст.
Нисбат ба далели мазкур парвандаи ҷиноятӣ оғоз гардида, тафтишот идома дорад.