Анҷоми Ҷашнвораи футболи наврасони AFC дар Алмосӣ
Душанбе, 01.06.2016 /АМИТ «Ховар»/. Ҷашнвора ё Фестивали минтақавии футболи AFC ки аз 26 то 30 май дар Академияи «Истиқлол»-и Душанбе, дар дараи Алмосии ноҳияи Ҳисор баргузор шуд, бо пирӯзии мунтахаби наврасони Эрон ба поён расид.Ҷашнвора бо ширкати шаш дастаи мунтахаби наврасони то 14-солаи кишварҳои Осиёи Ҷанубӣ ва Марказӣ — Тоҷикистон, Афғонистон, Қирғизистон, Непал, Ҳиндустон ва Эрон барпо гардид. Дар ҷадвали ғайрирасмии мусобиқот тими наврасони Эрон, ки дар ҳамаи панҷ бозӣ бар рақибонаш ғолиб омад, бо 15 имтиёз мақоми аввалро касб кард.
Дастаи мунтахаби наврасони Тоҷикистон бо 12 имтиёз мақоми дувумро соҳиб шуд.Футболбозони навраси тоҷик дар чор бозӣ ғалаба карда, танҳо дар як дидор аз тими Эрон шикаст хӯрданд.
Тими мунтахаби Ҳиндустон бо шаш имтиёз ҷой сеюмро ба даст овард. Дар ҷойҳои минбаъда дастаҳои мунтахаби наврасони Афғонистон ва Непал бо 6-имтиёзӣ қарор гирифтанд. Дастаи мунтахаби Қирғизистон — ягона дастае, ки шаҳди ғалабаро начашидааст, дар зинаи охирин ҷойгир шуд.
Дар маросими пӯшидашавии ҷашнвора, ки баъди анҷоми бозиҳо дирӯз дар майдони Академияи «Истиқлол»-и Душанбе дар дараи Алмосии ноҳияи Ҳисор доир шуд, ҳамоҳангсози кулли Фестивали AFC доктор Шамил Комил Муҳаммад Ал-Ҷоҷонӣ, муовини раиси Федератсияи футболи Тоҷикистон Дилшод Ҷӯраев, сафири Ҷумҳурии Исломии Эрон дар Тоҷикистон Ҳуҷҷатулло Фағонӣ ва меҳмонони дигар ширкат доштанд.
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
