Артиши Ироқ минтақаҳои шимоли Ал-Фаллуҷро аз ДИ озод намуд

Душанбе, 21.06.2016 /АМИТ «Ховар»/. Артиши Ироқ якчанд минтақаҳои шимоли Ал-Фаллуҷ — шаҳреро, ки то чанде пеш пурра таҳти назорати гурӯҳи террористии ба ном «Давлати исломӣ» буд,  ишғол намуд.  Дар ин бора фармондеҳии амалиёти низомӣ оид ба озод намудани шаҳр аз террористон хабар дод.
Бино ба изҳороти ӯ, неруҳои ҳукуматӣ  якчанд минтақаи истиқоматӣ, инчунин шаҳраки низомӣ ва роҳи оҳан, воқеъ дар канори шимолии Ал-Фаллуҷро аз дастаҳои ДИ «тоза намуданд».  Бино ба ишораи ситоди амалиётӣ, террористон саросемавор  майдони амалиёти ҷангиро тарк мекунанд.